Prošle sedmice sam na ulici pronašao novčanik. Kada sam otvorio vidio sam da je baš pun eura, čak je bilo i ljubičastih, tj po 500 eura. Nisam ništa vadio iz novčanika, već sam se odma uputio u stanicu policije, mnogi će reći da sam lud, pogotovo jer ni ja nimoji roditelji nemamo posao, a ja sam kao diplomirani pravnik na birou već 4 godine.
Nemam posao, nemam para, ali takav sam, tuđe mi ne treba, pa kada bih i od gladi umro. Dva policajca su me saslušala, a onda uzela novčanik i rekli da se ne brinem da će oni pronaći vlasnika. Kada sam došao kući bilo mi je čudno jer nikakve svoje podatke nisam ostavio, a u pravilu sam trebao. Ponovo sam otišao do policije, a ta dva policajca su mi rekla da se ništa ne brinem i da idem kući… i potapšali me po leđima. Sve što sam uspio reći bilo je ALI… a oni su me prekinuli i ponovo rekli momče idi kući.
Sjeo sam na biciklo i vratio se kući, ali svaki dan razmišljam o tome, izjeda me neka sumnja… da sam barem pogledao u dokumentima kako se čovjek zove da provjerim da li je dobio svoj novčanik. Bilo je sigurno preko 10.000 eura… možda i puno više
0 komentari